السلام عليكم
يا اجمل سيدات
فى قسم الجمال والحلاوة
والاهتمام بأنفسنا
قسم البشرة جايبلكم قنبله الموسم وكل موسم
وصدقونى ده سبق فى كل المنتديات
وبالصور
الحنه البيضاءالى عامله ضجه على مستوى مولات النت
وكل الستات بتسأل عنها
وانا برده عن نفسى كنت هموت واشتريها
من كتر ما بيحكوا عن جمالها للبشرة
وللجسم
فوايدها
تفتيح بشرة الوجه
تفتيح بشرة الجسم
نعومه من اول استخدام
ازاله البقع والغمقان بالتدريج
لفيت وبحثت ودورت على مكوناتها
لغايه ما لقيتهم وجربتها بالتركيبه ده
وفعلا روووووعه هتلاحظى نضارة
لوشك علطول وتحسى البشرة نظيفه
وناعمه وبتلمع وطبعا تحسى انها افتحت
وانا مكتبتش الموضوع الا لما جربتها
حتى جوزى لاحظ وقالى وشك منور ههههه
المكونات
1 معلقه شبه مطحونه
3 معلقه ترمس مطحون
3 معلقه لسان بحر مطحون
3 معلقه فاصوليا ناشفه مطحونه
وعلى فكره المكونات موجوده ومتوفره عند كل العطارين ورخيصه جدا
ولسان البحر ده هو للى بيربى عصافير
الابيض الى بياكلوة وبيبقى ناشف زى العظم كده المهم انه موجود ومعروف جدا
وكمان معروف انه لتفتيح البشره
طريقه الاستخدام
هتاخدى معلقه من الخليط ده وتعجنيهم بالماء
او
اللبن
او
الزبادى
وتحطى عليهم نقطتين خل تفاح
وتحطيهم على وشك والرقبه وتتركيهم لغايه ما ينشفوا
وبعدين يشطف الوجه بالماء
ويمسح بقطنه عليها ماء ورد
وبعدين بصى فى المرايه
وشوفى القمر وادعيلى
الثلاثاء أغسطس 31, 2010 5:09 am