المقادير:
*كيلو ممبار
*كيلو رز مصري مغسول
*4 بصلات وسط
*راس ثوم
*4 طماطم وسط
*بطرمان صلصه صغير
*خضره(2 شبت - 1 بقدونس - 1 كسبره )) مفرومين
*بهارات : ((رشه من ملح -- فلفل -- كسبره -- كمون -- جنزبيل -- هيل مطحون -- نعناع ناشف --بابريكا -- رشتين قرفه ))
*قطعه ليه سايحه ((ممكن الاستغناء عنها )) بس هي بتفرق في الطعم والريحه
للسلق:
ماء
مكعبين ماجي
عودين قرفه
4 هيل و 4قرنفل
بصله
الطريقه:
1__نقطع البصل والطماطم والثوم
__نخلطهم في الخلاط ونضع عليهم قطعه الليه السايحه هكذا
نضيف الرز المغسول المصفى والخضره المفرومه:
نقلب المقادير جيدا ثم نضيف الصلصه و البهارات
__نقلب وندوق الملح ونبدأ حشو بنفتحها باصباعين ونحشي باليد الاخرى
__هنا انتهيت من حشو الكميه نراعي ان تكون الوحده مش مليانه اوي عشان ما تنفجرش والرز يستوي وبعد ما نحشيها نبططها بين الاصابع من فوق لتحت عشان يكون الرز مرتاح فيها مش مكبوس وسمكها لا يتعدى النص سم
__نحضر ماء السلق :
نغلي الميه ونضيف لها البصله والبهارات (( عودين قرفه 4هيل و4قرنفل و مكعبين ماجي ))
ونضع الممبار واحد واحده ((بس لاااااااااااازم الميه تغلي الاول كويس)) والا هيفتح والرز كله هيقع منه
8__هنا انا حطيت الممبار خلاص ولو تلاحظوا ان اطرافهم مقفوله لان الميه كانت بتغلي:
__هنا بعد السلق يرفعوا مباشره من الماء عشان ما يتهريش
انا سلقته في حله الضغط ربع ساعه بعد التصفير وبقفل وبيبقى تحفه ومستوي
10__يحمر في سمنه او زيت حتى يحمر ويقدم
انا قدمته مع سلطه و فراخ مسلوقه ومحمره ((كنت سلقتها معاه في نفس الحله بتطلع بطعم الممبار وبتاخد نفس وقت التسويه))
الجمعة أغسطس 20, 2010 10:15 am