السلام عليكم يا اخواتى العزيزات
السنادى كان ليا تجربة و حبيت افيدكم بيها
اولا انا طول عمرى ماحبش المبيد
انا متجوزة من اكتر من 15 سنة و عمرى مارشيته فى بيتى
مش باشتريه اصلا !!!
يمكن تعتبرونى موسوسة
بس انا شايفة ان المبيد ده سم
مش هو معمول مخصوص عشان يموت الحشرات ؟
جايز تأثيره علينا مش هيبقى بنفس الدرجة
بس اكييييييييييييييد بيأثر
و التأثير مش شرط يبان فى ساعتها
بس الحاجات دى بتتراكم فى الجسم
و الواحد يلاقى نفسه فجأة تعب و مش عارف ليه
من تأثير التعرض للسموم على مدار سنين طويلة
فارجوكى ارجوكى اعيدى التفكير مرة و اتنين و عشرة قبل ماترشى اى رشة
فكرى فى صحة ولادك الضغار
دول جسمهم لسة بيتكون و التأثير عليه بيكون اشد
هتقوليلى طيب اعمل ايييييييييييييييييييه ؟؟؟
هاقولك اعملى زيى
هاحكيلك الحكاية من الاول
زى ماقولتلكوا انا ماكنتشس متعودة ارش خالص قبل كده
بس السنادى النمل ظهر عندى بطريقة فظيعة
مابقيتش عارفة اشيل الحاجة منه فين
فقلت لنفسى هارش عليه و هو لسة فى الاول
عشان اتخلص منه قبل مايعشش و الموضوع يستفحل و يستحيل القضاء عليه
و فعلا بدأت كل ماشوف نمل ارش
كل ماشوف نمل ارش
ايه اللى حصلى بقى ؟؟؟
لقيت نفسى تعبانة تعب مايتوصفش
جسمى كله مكسر و حيلى مهدود و مش قادرة خالص اقوم ولا اتحرك
عندى هبوط فظيييييييييييع
و الكلام ده استمر عدة ايام
و انا مش جاى فى بالى السبب
لحد ما ماما نبهتنى
قلت معاها حق لان جسمى مش واخد على المبيدات
و انا لما بارش بيجى شوية على ايدى و اكيد الجلد بيمتصه قبل مالحق اغسلها
ده غير اللى باستنشقه غصب عنى
الولاد الحمد لله ماتأثروش لانى باحرص جدا على ابعادهم عن المكان اللى هارش فيه
و بانضفه بعد كده و اهويه عشان ماحدش منهم يلمس المبيد او يشمه
معلش انا عارفة انى طولت قوى بس المفيد جاى اهو
عملت ايه بقى لما عرفت سبب التعب اللى كنت فيه ؟
دورت عالنت
دخلت مواقع اجنبية مختلفة من اللى بتنادى بالرجوع للطبيعة و الحفاظ على البيئة من التلوث
و لقيت ان الحل بسييييييييييييييييييييط جدا و فى متناول الجميع
هتجيبى بخاخة فاضية و تمليها ماية بخل
او ماية و عليها شوية صابون سايل
او ماية و عليها كام نقطة ديتول
و كل ماتشوفى نمل رشى عليه (غرقيه)
هتلاقيه مات فوووووووووووووووورا !!!!!!!!!!
ايوة و الله
هتقومى جايبة منديل و ماسحاه و خلاص على كده
و كمان بيقولوا ان الروايح النفاذة بتضايق النمل و بتطفشه
و دى برضه انا جربتها
ابنى كان عازم صحابه و انا كنت جايبالهم كمية كبيرة من البسكوتات و المصاصات و الحاجات الحلوة
و خوفت النمل يوصلها قبل ماهم يجوا لانى كنت جايباهم قبلها بكذا يوم
عملت ايه بقى ؟؟؟
حطيتهم عالسفرة و جبت البخاخة ام ديتول و رشيت حواليهم (هم فى اكياس مقفولة طبعا)
كل كام ساعة كده اعدى ارش حواليهم
و الله ولااااااااااااااااااااااا نملاية واحدة هوبت جنبهم
ليه بقى نلجأ للحل الصعب لما الحل السهل متوفر و فى ايدينا ؟؟؟؟؟؟؟؟؟؟؟؟؟؟؟
ياريت كلنا نقاطع المبيدات و نرجع تانى للطبيعة
الأربعاء أغسطس 25, 2010 5:10 pm